Die Amerikaners se ingryping in die huishoudelike sake van Suid Afrika deur die geldmagte wat dáár, in Amerika, op sy beste funksioneer, deur van 'n terroris 'n martelaar te maak het die ganse blankedom 'n onmeetbare onreg aangedoen! In die volgende stap maak hulle Mandela 'n wêreldikoon. Daarna, as ingelyfde ridder van die Orde van Malta, was die tafel gedek vir die uitwissing van die Christelike beskawing in Suid Afrika! En die meerderheid van ons volk het gestem daarvoor,... ja! Uit vrees vir 'n bloedbad, of was dit omdat ons geloof verloor het?

MODDERKLIP KRY WEER ‘N BESOEK VAN ANC-REWOLUSIE

Ons het dit goed gedink om, in die lig van die ANC se versnelde grondgrypprogram na 12 Julie, die horlosie terug te draai na 3 Junie 2005, kort na die berugte Modderklip-uitspraak, ‘n uitspraak wat net mooi ‘n ronde nul beteken het vir die Afrikanervolk se eiendomsekerheid in sy eie vaderland.

Ons voer aan die gebrek aan optrede van owerheidsweë in hierdie bepaalde saak dien as bewys dat enige hofuitspraak wat die sogenaamde georganiseerde landbou (Agri SA en TLU SA) in die komende moeilike dae en maande mag afdwing om eiendomsreg te verseker, met ‘n knypie sout geneem moet word.

Anders gestel: Die sogenaamde Suid-Afrikaanse regstaat is reeds onherroepelik in sy wese aangetas en howe se uitsprake sal in die komende dae eenvoudig uit die NDR se pad gestamp word.

Tucker Carlson die omroeper van Fox News, het die onderskeiding dat President Donald Trump graag na sy programme kyk vanweë die aktualiteit daarvan. Hierdie onderhoud oor plaasmoorde waaroor Carlson met Roets ‘n onderhoud gehad het, het ook by die AVP ‘n draai gemaak waaroor ek graag oor die waarde daarvan vir die Afrikaner se vryheidstryd, kommentaar wil lewer.

As ek sou sê dat dit geen waarde gehad het nie, sou ek Ernst se waarskynlik eerlike en opregte behoefte om iets vir die Afrikanerboere te beding, ‘n onreg aandoen. Dat hy egter onder die invloed van Afriforum, wie se wortels in die F.W. Stigting setel deur die Solidariteitvakbond van Flip Buys waaruit hulle ontstaan het, se ivloed duidelik in die onderhoud na vore laat kom het, is onbetwisbaar.

STAATKUNDIGE BELEID

In elke land van die wêreld is daar verskillende staatsvorme wat die ordening van die volk en volkere, indien daar meer as een volk saamwoon, moet reel. Die hoof oogmerk moet tog wees om al die inwoners van die land gelyke reg te besorg sodat hulle in veiligheid en vrede kan saamwoon sonder dat die een die ander oorheers of op die een of ander wyse bedreig.

Politieke moraliteit is dus wanneer ‘n land só regeer word dat al sy inwoners veilig, onbedreig, volgens sy eie aard en behoefte kan leef en bestaan.

MORALITEIT VERSUS MORELE HOËGROND

Terwyl moraliteit ‘n ongeskrewe lewensbeginsel is wat ten doel het om uit die hart uit goed te doen, is die term morele hoëgrond, uitgedink om polities korrek te wees al sou dit mense en volke permanent ernstig benadeel.