Die DA voorspel dat hulle baie goed gaan doen in die komende munisipale verkiesings - veral in Pretoria. In die Wes-Kaap het die DA die Kleurling, Patricia de Lille aangewys as burgemeesterskandidaat vir Kaapstad en behoort hulle daar weer die pyp te rook. Baie Blankes dink dit is ‘n goeie idee om vir die DA te stem. Maar is dit? 

Die DA is ‘n liberale party wat die Grondwet met sy menseregte ondersteun. Dus, enige god kan maar aanbid word, aborsie en homoseksualisme is in orde, grondonteiening word aangemoedig en natuurlik ook regstellende aksie. Soos die ANC bely die DA ook die onreg van apartheid (die verlede) en moet dit reggestel word. Die DA wil niks van ras weet nie en verwerp die idee van ‘n eie land vir die Afrikaner.

Die vraag het onlangs weer ontstaan waarom Afrikaners nie eendragtig bymekaar kom in verset teen die onreg waaroor almal dit eens is, onregmatig teen ons gepleeg word nie.   Waaroor selfs weinig, indien enige,  verskil dat dit deur veragtelike verraad oor ons gebring is nie!   ‘n Interressante berig in Beeld, een van weinige reaksies op sinvolle beredenering vanuit regse geledere, wat in 1987 verskyn het, werp lig op die vraag.

Soos in 1987 is die vraag egter steeds, waarom nie eenheid of waarom selfs nie eens samewerking nie?   En net soos in ’87 is die antwoord steeds, omdat al die splintergroepe waarin die Afrikanervolk verdeeld is, spesifiek gestig is omdat hulle nie met die bestaande weerstand wóú saamwerk nie!

GEEN PLEK VIR DIE AFRIKANER NIE

In 1983 was Marthinus van Schalkwyk die NP se voorbok op RAU. Hy en Peter (let wel: Peter en nie Pieter nie!) de Lange het toe saamgesweer en ‘n massavergadering wat deur meer as ‘n 1000 van die 5000 studente aangevra is om beswaar aan te teken teen integrasie op RAU, bekook en bewimpel om studente te paai dat RAU kwansuis nie sy identiteit sou verloor as net ‘n “kwota” anderskleuriges toegelaat word nie. Dit was so tipies van die NP en Broederbond se leuens en gekonkel.

Beeld - 24 Maart 2011

Beswaarde lidmate van die Hervormde Kerk dreig nou met die hof tensy kerkleiers ’n besluit oor apartheid terughou. Hulle het by die algemene kommissie beswaar gemaak teen Besluit 54 van verlede jaar se algemene kerkvergadering, waarin die kerk apartheid verwerp het. Hulle meen die besluit is “nie prosedureel regsgeldig geneem nie”. Dis volgens hulle ook ongeldig omdat dit te vaag is. Die besluit het apartheid nie gedefinieer nie, en selfs die huidige ondersteuning van ’n volkstaat word daardeur tot sonde verklaar, sê hulle.