Zuma is dalk nie bekend met al die fyner dialektiese punte in die bedryf van 'n kommunistiese rewolusie nie, die strominge en onderstrominge in die vloei van Afrika-mag het hy wel op die punte van sy vingers.

Met sowat twee weke oor voor die ANC se leierskapverkiesing in Bloemfontein lyk die kanse rooskleurig vir Jacob Zuma om vir 'n tweede termyn sy giftige ANC-heerskappy oor die land en die Afrikanervolk voort te sit.

Zuma se teenstanders; en dis nie in die eerste plek opponente soos Kgalema Mothlante wat ANC-strukture na vore kan stoot nie; lyk maar soos 'n paar verdwaalde uile op 'n paar verdwaalde kluite met min of geen geen relevansie tot wat hom binne enkele weke in Bloemfontein sal afspeel nie.

Dis inderdaad nog net die buitengewone, soos 'n sluipmoord of 'n toeval, wat die land van nog 'n termyn van wegholkorrupsie en groot en skynbaar belowende indabas (soos gemoedelike etes saam met “behoudende” Afrikaner-BBP's), met 'n kenmerkende Zuma-stempel kan red.

In September vanjaar was daar nog swanger afwagting oor moontlike verwikkelinge in die ANC-leierskapstryd. Met die Marikana-slagting het Julias Malema boonop terug op die leierskaptoneel gebars en dit het gelyk of die ANC 'n keisersnitleierskap tegemoet gaan, Malema wat met vreemde Britse aanmoediging (toe hy onder meer in Londen was tydens die Olimpiese Spele), die kontroles van die ANC se Nasionale Demokratiese Rewolusie (NDR) uit die hande die Zoeloe van Nkandla kon gryp.

Die Burger - Philip de Bruin 19-10-12

KAAPSTAD. – ’n Vrou wat erg deur voorvadergeeste geteister is, moet in haar pos heraangestel word, al het sy ’n maand verlof geneem sonder haar werkgewer se toestemming.

Dié uitspraak is deur drie regters in die arbeidsappèlhof gelewer. Die regters het na hul uitspraak verwys as “iets nuuts”. Die tyd het aangebreek dat aanvaar word die tradisionele Westerse kultuur in Suid-Afrika kan nie die Afrika-kultuur van baie mense oorheers nie.

Die uitspraak word in die jongste uitgawe van die prokureurstydskrif De Rebus bespreek.

I/S: Boereregte om hulle eiendom te beskerm.

Die AVP het hierdie brief wat in die Landbouweekblad gerig is ontvang en plaas dit graag ter wille van die Boere wat dit nie gelees het nie en terselfdertyd in landsbelang ter wille van elke Blanke wie se eiendom en lewe bedreig word met die skynbare goedkeuring van die regime.

Adv. A. J. Murphy

16 November, 20121

Die Redakteur

Landbouweekblad

Geagte Heer,

I/S: Boereregte om hulle eiendom te beskerm

Ek het verlede week oppad na my plaas in die Karoo, deur de Doorns gery en het aanskou hoe boere se wingerde afgebrand word deur werkers. Wat my veral opgeval het is die onbehulpsaamheid waarmee die Suid Afrikaanse Polisie die situasie hanteer het. Praat nie eers van die feit dat die land se hoofroete tussen die moederstad en die binneland vir dae deur niks anders as boewery gesluit en die verkeer ontwrig is nie; dit is onverskoonbaar dat die regering en veral die Polisie toelaat dat mense se eiendom op so „n misdadige wyse vernietig word en dat hulle soos n spul padbobbejane langs die hoofweg sit en toekyk hoe die vernietiging voortgaan sonder om 'n vinger te veroer nie.

AGRI SA SE OPLOSSING VIR DE DOORNS

Dit verstom ‘n mens dat liberale organisasies deur hulle optrede en uitsprake die indruk bly wek dat die gewone blanke landsburger se intelligensie en hulle s’n op dieselfde vlak lê, terwyl die verloop van die politiek in Suid Afrika sedert die sluipmoord op dr. Verwoerd nou al by herhaling bewys het dat hulle intelligensie met dié van die res van Afrika vergelyk kan word as dit by politieke oplossings kom.

Probeer sin maak uit Agri SA se stelling dat: Boere in die Wes-Kaap wie se werkers onwettig staak moet toegelaat word om self te besluit wat die mees geskikte optrede teen hulle sal wees, het Agri SA Vrydag gesê.

"Wetteloosheid en kriminele aktiwiteite kan nie geduld word nie en die skuldiges moet deur die gewone vervolgingsproses tot verantwoording geroep word," het Anton Rabe, hoof van Agri SA se arbeidskomitee, gesê. Werkgewers moet besluit hoe om teen stakende werkers op te tree, omdat die staking onwettig is, het Rabe gesê. Hierdie berig het in die Rapportkoerant verskyn en sê tegelyk dat die Boere moet self kan besluit en dat die skuldiges deur die gewone vervolgingsproses tot verantwoording geroep moet word.