PERSVERKLARING

As Verwoerd hom soos Zuma gedra het

Indien hierdie verbale diarree van Dana Snyman as joernalistiek moet deurgaan, is dit duidelik dat die Beeld koerant, saam met die nuwe Suid Afrika wat weer en nog steeds heel laaste kom in Wetenskap en Wiskunde prestasie in die Wêreld Ekonomiese Forum se beoordeling van 64 lande, in pas is met mekaar!

Wat Snyman betref is dit loshande die swakste van swak artikels wat seker ooit sy pen verlaat het. Om iemand van die statuur van dr. Verwoerd met Zuma te vergelyk en dan nog op die banale wyse waarop hy dit doen, is daar nie woorde voor nie. Dit dui egter onteenseglik op die dieper donker kant van Snyman se denkwyse wat nou die stroom van dekadensie wat tekenend van die “Democracy” geword het, in die verval navolg!

Waarom gebruik jy nie eerder die “edele” Nobel pryswenner de Klerk vir hierdie soort twak as jy niks opbouends het om te skryf nie? Jy behoort voorwaar bang te wees vir jouself as jy sulke snert kan uitdink en dan nog bereid is om dit te laat publiseer, want dit sal jou onder Afrikaners, verséker ten gronde rig en jou reputasie as die vertolker van Afrikanersentiment by uitnemendheid, in die doofput stop!

Danie Varkevisser

Leier van die Afrikaner Volksparty.

Hier is ‘n uittreksel uit verskeie geskrifte wat ook elders verskyn het, maar wat nie genoeg klem kan kry in die lig van ons eie mense se twyfel oor ons identiteit en die aanhoudende twyfel wat daaroor gesaai word nie. (Die AVP plaas dit met erkenning aan wie ookal die moeite gedoen het om dit saam te stel)

 WIE IS ONS? Soos wat ons voorsate van buite gesien is. Het daar nog iets hiervan oorgebly in ons huidige geslag?  Natuurlik het daar!! Wag net en sien!

                        Field Marshal Bernard L. Montgomery
Give me 20 divisions American soldiers and I will breach Europe. Give me 15 consisting of Englishmen, and I will advance to the borders of Berlin. Give me two divisions of those marvelous fighting Boers and I will remove Germany from the face of the earth.”

FEDERAAL, KONFEDERAAL EN DEELSTAAT. ‘N NKANDLA IN JOU KOP!

Of dit nou n federasie of konfederasie is, die uiteinde daarvan is dat die meerderheid in beheer sal wees en in die geval van Suid Afrika, is dit die swartes. So het dr. Verwoerd by geleentheid in ʼn toespraak geredeneer.

Die vraag lê nie in die moontlike ontstaan van Bantoestate nie, maar wel daarin dat Suid-Afrika een Bantoestaat kan word. Hierdie selfde gedagte het Verwoerd twee weke later op die Transvaalse kongres as volg geformuleer: " 'n Mens kan jou nie 'n toekoms vir Suid-Afrika voor-stel wat nie in een van die twee rigtings ontwikkel nie: of die Bantoe sal sy regte moet hê in sy eie gebiede en die blanke volk beheer in sy gebied, of daar sal 'n deurmekaar Suid-Afrika moet wees met die heerskappy in die hande van die meerderheid, nl. die Bantoe. Daar is geen ander uitweg nie. Die keuse is nie of daar Bantoestate sal wees waar die Bantoe hul regte sal hê nie en of daar sulke state sal wees nie; die keuse is of die hele Suid-Afrika deur die Bantoe, wat die meerderheid is, geregeer sal word of nie."' Soos wat ons gekry het toe F.W. de Klerk en sy kabinet De Villiers Graaf en die VP se beleid oorgeneem het met Mandela, Mbeki en Zuma nou in beheer. Reeds bykans twintig jaar word dr. Verwoerd se politieke insig en voorspellings reg bewys wanneer jy enige beleid aanvaar wat ʼn vennootskap met die swartes behels.