DIE PERS RÝ DIE HOLRUGGERYDE APARTHEIDSDONKIE, AL LYK HY AL SOOS ‘N TAXIDRYWER WAT AGTER ‘N POLISIEBAKKIE GESLEEP IS! Dit is belangrik om te vra waarom?

In beide die Sunday Times en Rapport van Sondag 10 Maart 2013, verskyn daar uitgebreide berigte oor die lewens van Dirk Coetzee, Eugene de Kock en Joe Mamasela, voormalige Vlakplaasoperateurs.

In die Afrikaanse weergawe is Jaques Pauw aan die woord terwyl die Engelse weergawe deur Chris Barron geskryf is.

Wat hier van belang is, is die ooreenstemmende klem wat gelê word op apartheid. Dit dui nie alleen op die magte waarvoor hierdie joernaliste dienstig is nie, maar ook op hulle persoonlike onheilige ingesteldheid wat daarop gerig is om deur bedenklike joernalistiek, ʼn bepaalde politieke persepsie te skep wat enersyds moet dien om die lesers van hierdie verwronge “waarheid” iets te laat glo wat nie so is nie en andersyds as stut moet dien om die wanstaltige stelsel wat hulle help oprig het, te probeer regverdig.

Het ons nie almal een Vader nie? Het een God ons nie geskape nie? Waarom handel ons dan troueloos met mekaar, deur die verbond van ons vaders te ontheilig?

MALEAGI 2:1-17

1   EN NOU, PRIESTERS, TOT JULLE KOM HIERDIE GEBOD.

2   As julle nie gehoor gee nie, en as julle dit nie ter harte neem om my Naam eer te bewys nie, sê die HERE van die leërskare, dan sal Ek die vloek onder julle stuur en julle seëninge in ’n vloek verander; ja, Ek het dit alreeds vervloek, omdat julle niks ter harte neem nie.

3   Kyk, Ek sal julle nakomelingskap bedreig, en Ek sal mis op julle gesigte strooi, die mis van julle feeste; en hulle sal julle na die mishoop dra.

4   En julle sal gewaar word dat Ek julle hierdie gebod gestuur het, dat dit my verbond kan wees met Levi, sê die HERE van die leërskare.

5   My verbond met hom was die lewe en die vrede; en Ek het dié aan hom gegee tot vrees; en hy het My gevrees en vir my Naam gebewe.

6   Betroubare regsleer was in sy mond, en onreg is op sy lippe nie gevind nie; in vrede en opregtheid het hy met My gewandel, en baie mense het hy van ongeregtigheid teruggebring.

Coetzee se onthullings oor polisie-moordbendes het een van die duisterste geheime van die apartheidstyd oopgeruk. . Die onthullings, wat in Vrye Weekblad gepubliseer is, was ’n enorme skok vir diegene wat gemeen het die apartheidsbewind word deurgaans binne die wet en die perke van ordentlikheid toegepas.

Hier volg ʼn paar uittreksels uit opmerkings van du Preez en Pauw na die dood van Dirk Coetzee.

Die AVP kan nie anders as om dié skeefgetrekte beeld van apartheid reg te stel en terselfdertyd dié twee landsverraaiers in die regte lig te plaas sodat die geskiedenis hulle ook sal onthou vir dit wat hulle verteenwoordig het.

In die eerste plek was hierdie dade waarna verwys word as die duisterste geheime van die apartheidstyd, nie in die apartheidstyd gepleeg nie omdat apartheid na die sluipmoord op dr. Verwoerd deur John Vorster begin aftakel is, wat deur P.W.Botha voortgesit is en met sy Rubicon toespraak voltooi moes ge wees het. Nadat hy koue voete gekry het, is dit egter wel deeglik deur F.W.de Klerk voltooi! Dat behoudende Afrikaners wel deeglik die mening toegedaan was dat wat onder apartheid toegepas was binne die perke van ordentlikheid was, is gegrond op die integriteit en Godgebondenheid van voormalige Afrikanerleiers wat die wel en wee van al Suid Afrika se inwoners op die hart gedra het soos wat die geskiedenis van daardie tydperk voldoende bewys het.