GALÁSIËRS 5:9

’n Bietjie suurdeeg maak die hele deeg suur.

I KORINTHIËRS 5:6

Julle roem is nie mooi nie. Weet julle nie dat ’n bietjie suurdeeg die hele deeg suur maak nie?

Ons plaas ‘n paar berigte soos wat dit in die Beeld koerante van die afgelope week verskyn het, net om lig te werp op die geduldige maar onverbiddelike wyse waarop die wêreldmagte werk om hulle doel te bereik en om uiteindelik daarin te slaag om die hele wêreld agter die dier te laat aanloop, soos wat die Bybel ons waarsku. En dit gebeur alles onder die dekmantel van “christenskap”.

“Die besluit is ná ’n debat van sowat twee uur op die sinode en ná 25 jaar van kerklike toutrekkery in die NG Kerk self en in die familie van NG Kerke geneem.”

Die saad word 25 jaar gelede geplant, daarna heimlik vertroetel en nou tot wasdom gedryf.  Steeds word daar egter voorsiening gemaak vir die hardnekkige gelowiges deur die benadering van: “ ’n Peiling drie jaar gelede het egter ook getoon daar is by ander mense groot weerstand teen Belhar. Die kerk sal met albei dié sentimente rekening moet hou.“Die sinode het ook vroeër as deel van sy beleid oor kerkeenheid besluit dit sal nie van almal verwag word om Belhar te onderskryf nie, al is dit deel van die belydenisgrondslag van die kerk.”

Inleiding

Soos baie ander beskaafde volke, het die Afrikaner ook die gebruik om  gebeure uit die geskiedenis  as riglyn vir die toekoms  te beskou en selfs daarop voort te bou indien dit iets was wat ’n bydrae tot ons volkswording gemaak het.  In  1986 egter, waar  gelowiges deur ‘n kerkskeuring losgeruk is vanuit hulle godsdienstige ankers in die kerk waarin hulle grootgeword het, was gelowiges verwond en skepties omdat die kerk waaruit hulle gekom het, hulle wou saamsleep in ’n rigting wat vanuit die geskiedenis as onwerkbaar en onheilig  beleef  het en ook omdat dit volksvreemd was en ’n bedenklike oorsprong gehad  het!

Oorsaak van die skeuring:

Om perspektief te kry oor waarom die NG-Kerk geskeur het en of gelowiges die skeuring en deelname daaraan kan verantwoord, is baie belangrik! Net so belangrik is dit vir diegene wat nie deel van die skeuring was nie, maar agterna by die AP-Kerk aangesluit het.  Wanneer laas het u dit vir een van die “skeurmakers”,  doop en/of  volwassenes gevra? U sal u verstom oor die onkunde!  Vraag is, waarom vra ons nie dié vraag wanneer dit tersaaklik is nie?  Steek ons dalk iets weg?  Is ons skaam?  Dwing omstandigheid ons dalk tot lafhartige swye soos met die frase, “onder blanke Afrikaners” omdat die grondwet ons bedreig?

Met die fokus deesdae op sogenaamde menseregte, het die homoseksuele “mans” en lesbiese “vroue” dit nou reggekry om wetgewing in Europa te verander sodat daar nie meer na Pa en Ma verwys word nie, maar na “Ouer 1 en Ouer 2”. Hierdie stap volg om die sg. diskriminasie teen homoseksuele uit die weg te ruim. (Sien artikel hieronder) ’n Klein persentasie mense kry dit reg om vir die wêreld voor te skryf om af te wyk van ons Drie-enige God se gebooie en sodoende die Babiloniese eenheid te bevorder.

Ingenieurs sal bepaal wat moet gebeur met die Schubart Park woonstelle in Sentraal-Pretoria. Hulle sal bepaal of die geboue gesloop moet word of opgeknap word.

Verlede maand het gewelddadige betogings by die kompleks losgebars nadat elektrisiteit voorsiening  aan die geboue gestop is weens skade aan die substasie onder in die gebou.

Bande is binne in die gebou verbrand, inwoners het ook bakstene en bottels op die straat gegooi en 'n mobiele toilet en die motor is aan die brand gesteek. Die polisie het 79 mense in hegtenis geneem vir openbare geweld.