Ons kyk weer 'n slag na uitsprake van FW de Klerk oor 'n beloofde referendum aan die Blanke kiesers van die land –(nie die een van 17 Maart 1992 vóór die nuwe grondwet nie, die een wat in Hansard opgeteken is wat hy belowe het nadat die grondwet geformuleer is) dat hul mening oor 'n nuwe grondwet vir die land in 'n referendum getoets sal word – dit is 'n allesdeurdringende kwessie wanneer besin word oor die Afrikanervolk se verskriklike lot vandag onder de Klerk en kie se kommunistiese ANC-regime. De Klerk het inderdaad homself oor die perd getel om die Blanke kieser te oortuig dat sy belange nie geskaad sou word in die proses nie. Kyk weer na sy beloftes: “Enige substantiewe grondwetlike wysigings, selfs as net bloot gerig is op oorgangsmaatreëls, sal deur die Parlement aanvaar moet word nadat 'n mandaat bekom is by wyse van 'n referendum.” 

Daar was géén refendum vir daardie oorgangsmaatreëls nie, dit is nou die destydse Uitvoerende Oorgangsraad, wat nog te sê die 1994-grondwet en die finale 1996-grondwet.  

Op hierdie webwerf is aandag gegee aan vele van De Klerk se beloftes. Die onomstootlikste en duidelikste wat hierdie beloftes betref, het egter gekom met De Klerk se opening van die eerste sitting van Kodesa 20 Desember 1991: Daar sou geargumenteer kon word dat die 1992 referendum wat na hierdie Kodessabeloftes gehou is, die referendum is wat hier ter sprake is. Meet egter die inhoud van waaroor daar in 1992 gestem is aan die beloftes wat in die toespraak van 20 Desember 1991 gemaak is en hou dan in gedagte die belofte dat daar weer ‘n referendum gehou sou word voor die goedkeuring van die onderhandelde grondwet en die bedrogvolle metodiek en naakte verraad kom soos ‘n legkaart bymekaar.

Ware profesie stig en ware profesie troos en bemoedig.................

Die Afrikanervolk se gryp na profete en professieë, ook na vals en gefabriseerde profesieë en tot eie nadeel, is in 'n groot mate veroorsaak deur Afrikaners wat hul plig teenoor hul volk versaak het en steeds versaak ten opsigte van hul inligtingsinsamelingstaak. Soos deur vals politici te volg en op hul versekeringe staat te maak, het die Afrikanervolk enersyds staatgemaak op lede van sy volk, vertroud met die insameling en verwerking van veiligheids(selfbehouds-)inligting om die Afrikanervolk dan betyds te waarsku teen die aanslae van die vyand. Andersyds is daar sekerlik mense van die voormalige inligtings- en veiligheidsgemeenskap wat glad nie in die klere van verraaiers pas nie. Van hierdie mense tree dan ook van tyd tot tyd na vore en lewer bydraes tot die openbare gesprek en neem deel aan forums wat ten behoewe van die Afrikanervolk daargestel is in 'n poging om hul ervaring ten behoewe van Afrikanerselfbehoud terug te ploeg. Maar helaas, dis te min te laat.

Radio Pretoria moet voor stok gekry word oor eienaardige uitlatings wat gereeld in sy nuuskommentare voorkom. Gisteroggend het hy dit teen “neo-apartheid”. Nou wat is dié “neo-apartheid” wat julle dit teen het Radio Pretoria, nou dat Naspers (Naspers op sy beurt weer 'n voetvel van die Geldmag se JP Morgan), se Flip Buys knus in Radio Pretoria se bestuur sit. En ook Ziswe Spies as “tydelike” hoofbestuurder. Vertel die Afrikanervolk ook sommer wat julle weergawe van “ou” apartheid is en al julle weersin daarin.  Verskoon tog maar, maar as Radio Pretoria so gal afgaan oor “neo”-apartheid, dan sien jy daardie Prog Colin Eglin weer in sy tirades in die Volksraad waar hy wraak sweer teen apartheid en “petty” apartheid en Afrikanernasionalisme dat die spoeg spat. Net in Radio Pretoria se geval gebruik die Afrikanervolk se vyande die gemoduleerde stem van 'n omroeper om die selfde gif te saai.

Die fokus verskuif van mense se ras na mense se sosio-ekonomiese omstandighede...................

Met die onderstaande model vir regstellende aksie van Dirk Hermann, bestuurshoof van Solidariteit, behoort daar nou klaarheid te bestaan oor dr. Hermann se politieke sentimente. Met die aanvaarding van die nodigheid van regstellende aksie in welke vorm ookal, is dit duidelik dat Herman die “Nuwe” Suid Afrika eerder wil laat werk as wat hy hom daarteen wil verset.

Tweedens is dit voor die handliggend dat sy wegbeweeg van rasseverteenwoordiging, die teenhang daarvan sal verteenwoordig, nl, rasvermenging.