Lizel Steenkamp berig op bladsy twee van Beeld van Dinsdag 4 Oktober 2011 dat die Reguleringsowerheid vir die Private Veiligheidsbedryf (Psira) , se raadsvoorsitter Thula Bopela, in die verslag vir die 2010-’11-boekjaar wat gister in die parlement ter tafel gelê is, gesê het daar is te min geld en personeel om dié bedryf met sy 8,828 maatskappye en 411,000 aktiewe veiligheidswagte behoorlik te reguleer.  “Dit bedreig staatsveiligheid en hou ook ’n gevaar vir Suid-Afrikaanse burgers in.”

Psira moet met minder as 200 heeltydse personeellede ’n bedryf reguleer wat die afgelope tien jaar so vinnig uitgebrei het dat daar tans meer as dubbel soveel veiligheidswagte is (411,109) as polisiebeamptes (160,000).

Die Reguleringsowerheid kry nie geld van die regering nie en het in die bogenoemde boekjaar ’n verlies van R23,7 miljoen aangeteken. Volgens die ouditeur-generaal (OG) is daar “aansienlike twyfel” of Psira teen dié trant kan bly voortbestaan, in ag genome dat ook R75,5 miljoen se slegte skuld in dieselfde tydperk afgeskryf is.

Luidens die jaarverslag het die getal geregistreerde, aktiewe veiligheidsmaatskappye en veiligheidswagte sedert 2001 met onderskeidelik 61% en 111% toegeneem. Daar was net in die afgelope boekjaar ’n groot toename in die registrasie van nuwe veiligheidsmaatskappye (18%) en nuwe veiligheidswagte (5%) in vergelyking met die 2009-’10-boekjaar.

Dié toename sou nog hoër gewees het as Psira nie bykans 12 000 nuwe registrasie-aansoeke van maatskappye en veiligheidswagte weens misdaadgeskiedenis afgekeur het nie.

Die parlementêre portefeuljekomitee oor polisie het in November verlede jaar aangevoer die private veiligheidsbedryf is ’n bedreiging vir staatsveiligheid omdat dit swak gereguleer word.

Psira se topbestuur het tóé ’n droewige prentjie geskilder van jare se wanbestuur, geldelike tekorte en ’n gebrek aan vaardighede.

Die owerheid was 14 maande lank leierloos nadat mnr. Seth Mogapi, uitvoerende hoof, in Julie 2009 weens wangedrag en swak bestuur afgedank is. mnr. Manabela Chauke, nuwe hoof van Psira, is eers in September verlede jaar aangestel en volgens die OG het dié gesloer aanleiding gegee tot gebrekkige finansiële oorsig en interne beheer. (My beklemtoning)

PSIRA staan vir: (Private Security Regulatory Authority)

Die AVP stem volmondig met Bopela saam. Suid-Afrikaanse burgers verkeer in léwensgevaar, maar nie vir die redes wat Bopela aanvoer nie. Daar is in die eerste plek ’n geldige rede vir  ’n veiligheidsbedryf  wat die afgelope tien jaar so vinnig uitgebrei het dat daar tans meer as dubbel soveel veiligheidswagte is as polisiebeamptes.

As daar gekyk word na misdaad, korrupsie, moord, verkragting, motorkapings, huisrowe en ’n reeks ander misdade waarby selfs polisielede betrokke is, die polisie se onbevoegdheid en moedswillige voetesleep en selfs weiering om klagtes aan te hoor en dan die regering se deursigtige pogings om wapeneienaars te ontwapen, verkeer ons waarlik in doodsgevaar.

ANC Youth League Mass Mobilisation and Action Programme for October 2011 (http://www.ancyl.org.za/show.php?id=8085)

The ANC Youth League extended National Working Committee met in Chief Albert Luthuli House, on Sunday the 18th of September 2011 to amongst other things adopt a concrete programme mandated by the ANC YL 1st NEC/NWC which said on the 18th of August 2011 that, \"The youth league will roll out mass action throughout the country on free education, youth unemployment and on economic freedom in our life time\".

Oral in die land sal daar betogings voorkom , veral  in Johannesburg en op die hoofpaaie na en van Johannesburg en Pretoria wat sal voortduur waarskynlik deur die nag en die volgende dag op 28 Oktober.

Ons waarsku Afrikaners om gereed te wees om lewe en eiendom te beskerm en voor geen intimidasie te swig nie.  Skakel met ’n veiligheidsorganisasie in u gemeenskap en indien daar nie is nie, skakel met u vriende en bure en bespreek vroegtydig metodes van selfverdediging en beskerming van u eiendomme sodat u nie onkant betrap word nie.

Wat verdediging aan betref berig Beeld dat die departement van verdediging  in die boekjaar wat op 31 Maart vanjaar geëindig het , R799 miljoen onreëlmatig uitgegee het!

Die departement kan boonop ná 11 jaar steeds nie volledig bewys lewer van bates ter waarde van R76,9 miljard onder sy beheer nie.
In elf agtereenvolgende jare kry die departement ’n gekwalifiseerde ouditverslag. Die ouditeur-generaal sê in sy verslag voor die parlement , die departement kon nie “voldoende ouditbewyse lewer om dié batebedrag te ondersteun nie”.
Die ouditeur-generaal het verder uitgewys dat die R799 miljoen in sewe transaksies uitgegee is.

Lindiwe Sisulu, minister van verdediging, het ten spyte van die ongerymdhede, vroeër vandeesweek  in antwoord op ’n vraag in die parlement gesê dit sou vir die departement ’n eer gewees het om die ANC se eeufeesviering volgende jaar te borg, maar is “ongelukkig” nie gevra om dit te doen nie.
Die DA kan gerus lees wat ander instellings, soos die Verenigde Nasies (VN), van die ANC dink, het Sisulu gesê.
“Die VN het dié uitstaande organisasie reeds erken en vereer.”

Behalwe dat dít die instansies is wat Suid Afrika se burgery moet beskerm, is die VN waarna Sisulu verwys en as verwysing vir die ANC opgee, dieselfde organisasie waarop die VVK hom na sy verkiesing nou wil gaan beroep op pad na hulle volkstaat!

Ons verkeer voorwaar in gevaar.

Danie Varkevisser