Daar was al baie gesê dat hy die beste Eerste Minister was wat Suid Afrika nooit gehad het nie. Wat onteenseglik waar is in terugskouing, is dat as die Afrikanervolk na Jaap Marais wou luister, ons nie vandag in hierdie benouing sou verkeer het nie. Die menigte geskrifte wat hy nagelaat het, getuig vandag nog daarvan en sal nog tot diep in die geskiedenis weerklink!
Sy politiek was beginselvas, sy integriteit onkreukbaar en sy politieke leiding koersvas. Insig en moed het by hom nie ontbreek nie. Die AVP het die gouedraad van Nasionalisme wat Jaap Marais opgetel het toe John Vorster dit minagtend in 1968 neergesmyt het, in 2008 weer opgetel waar die HNP dit, na mnr. Willie Marais se dood laat val het, en ons sal dit voortdra en oordra aan die nageslag sodat dit, so die Here wil, nooit verlore sal gaan nie.
Danie Varkevisser
AVP Leier.